२ सय अक्सिजन सिलिन्डर धनगढी पुग्यो
काठमाडौँ, ८ शनिबार। कोरोनाको कहरका कारण धनगढीमा अक्सिजन अभाव भएको कारण बिरामीको उपचार हुन नसकिरहेको बेला अहिले २ सय सिलिन्डर अक्सिजन धनगढी पुगेको छ । नेकपा एमाले सुदूरपश्चिम प्रदेशका इन्चार्ज तथा निवर्तमान मन्त्री लेखराज भट्ट र सह–इन्चार्ज तथा प्रतिनिधि सभा सदस्य माननीय नारदमुनी रानाको पहलमा २ सय सिलिन्डर अक्सिजन धनगढी पुगेको छ ।
अक्सिजन अभाव भएपछि उपचारमा समस्या झेलिरहेका कोरोना संक्रमिहरूलाई अब केही राहत हुने भएको अपेक्षा गरिएको छ । सबै भन्दा धेरै अक्सिजनको समस्या झेलिरहेको सेती प्रादेशिक अस्पताल ११० सिलिन्डर अक्सिजन उपलब्ध गराइने भएको छ ।
गेटा अस्पताल ५० र महाकाली अस्पताल ४० सिलिन्डर उपलब्ध गराइने सांसद रानाका स्वकीय सचिव कमल रानाले बताए । ५० सिलिन्डर अक्सिजन आए लगत्तै कोरोना संक्रमितहरूको उपचार थालिने बताइएको छ ।
एमाले नेता भट्टका स्वकीय सचिव हितेश ओझाले भने, ‘अहिलेलाई आवश्यक अक्सिजन पुगेको छ अब यहाँ संक्रमितको उपचार सुरु हुन्छ । अब कोरोना संक्रमितको उपचारमा केही सहज हुन सक्ने पनि उनले बताए ।
अक्सिजन अभाव भएपछि उपचारमा समस्या झेलिरहेका कोरोना संक्रमिहरूलाई अब केही राहत हुने भएको अपेक्षा गरिएको छ । सबै भन्दा धेरै अक्सिजनको समस्या झेलिरहेको सेती प्रादेशिक अस्पताल ११० सिलिन्डर अक्सिजन उपलब्ध गराइने भएको छ ।
गेटा अस्पताल ५० र महाकाली अस्पताल ४० सिलिन्डर उपलब्ध गराइने सांसद रानाका स्वकीय सचिव कमल रानाले बताए । ५० सिलिन्डर अक्सिजन आए लगत्तै कोरोना संक्रमितहरूको उपचार थालिने बताइएको छ ।
एमाले नेता भट्टका स्वकीय सचिव हितेश ओझाले भने, ‘अहिलेलाई आवश्यक अक्सिजन पुगेको छ अब यहाँ संक्रमितको उपचार सुरु हुन्छ । अब कोरोना संक्रमितको उपचारमा केही सहज हुन सक्ने पनि उनले बताए ।
