गैँडाकोटमा बोलेरो र मोटरसाइकल ठोक्किँदा दुई घाइते, एकको अवस्था गम्भीर
काठमाडौँ - नवलपुरको गैँडाकोटमा बोलेरो र मोटरसाइकल एक आपसमा ठोक्किँदा दुई जना घाइते भएका छन् । घाइतेमध्ये एक जनाको अवस्था गम्भीर रहेको जिल्ला प्रहरी कार्यालयले जनाएको छ ।
गैँडाकोट नगरपालिका–२ स्थित भृकुटीचोकमा बिहीबार बिहान पूर्व–पश्चिम राजमार्गमा भएको दुर्घटनामा पर्साको बहुदरमाई गाउँपालिका–८ का ३० वर्षीय उमाशंकरकुमार पण्डित र नवलपुरको हुप्सीकोट गाउँपालिका–३ का ३० वर्षीय सागर पाण्डे घाइते भएका हुन् ।
जिल्ला प्रहरी कार्यालयका सूचना अधिकारी प्रहरी नायब उपरीक्षक मधु नेपालका अनुसार कांग्रेस चोकबाट चितवनतर्फ जाँदै गरेको लु ३ च ८४७७ नम्बरको बोलेरोलाई ओभरटेक गर्ने क्रममा ना ६३ प २२६१ नम्बरको मोटरसाइकल विपरित दिशाबाट आइरहेको ना १ ज ४३४२ नम्बरको म्याजिक भ्यानमा ठोक्किएको थियो ।
दुर्घटनापछि दुवै घाइतेलाई तत्काल उपचारका लागि चितवनस्थित नयाँ मेडिकल कलेजमा लगिएको छ । डीएसपी नेपालका अनुसार पाण्डेको अवस्था गम्भीर रहेको छ ।
