आज चार संसदीय समितिको बैठक, विभिन्न महत्त्वपूर्ण विषयमा छलफल हुने
काठमाडौं - आज संघीय संसदका चार वटा संसदीय समितिको बैठक बस्दैछन्। बैठकका प्रमुख विषयहरूमा आगामी आर्थिक वर्षको बजेट, विपद् व्यवस्थापन, ज्येष्ठ नागरिकका हक अधिकार र अनुगमनका विषयमा छलफल हुनेछ।
अर्थ समितिको बैठक
बिहान ११ बजे बस्ने अर्थ समितिको बैठकमा आगामी आर्थिक वर्षको बजेटमा समावेश गर्नुपर्ने विषयहरूमा छलफल हुनेछ। बैठकमा राष्ट्रिय योजना आयोग, नेपाल राष्ट्र बैंक, लगानी बोर्ड नेपाल र भौतिक पूर्वाधार तथा यातायात मन्त्रालयका प्रतिनिधिहरूसँग बजेटसम्बन्धी अन्तरक्रिया हुनेछ।
सार्वजनिक लेखा समितिको बैठक
त्यस्तै, बिहान ११ बजे बस्ने सार्वजनिक लेखा समितिको बैठकमा समितिमा प्राप्त उजुरीहरूमा छलफल हुनेछ।
विकास, आर्थिक मामिला तथा सुशासन समितिको बैठक
बिहान साढे ११ बजे बस्ने विकास, आर्थिक मामिला तथा सुशासन समितिको बैठकमा विनियोजन विधेयक, २०८२ का सिद्धान्त र प्राथमिकता पूर्वबजेटका सम्बन्धमा छलफल हुनेछ।
संघीयता सबलीकरण तथा राष्ट्रिय सरोकार समितिको बैठक
बिहान ११ बजे नै बस्ने संघीयता सबलीकरण तथा राष्ट्रिय सरोकार समितिको बैठकमा विपद् व्यवस्थापन (विपद् जोखिम न्युनिकरण, विपद् प्रतिकार्य र विपद् पुनर्लाभ) सम्बन्धमा भएका काम कारबाही, विपद् जोखिम न्युनिकरणको लागि तयारी तथा भावी कार्ययोजना सम्बन्धमा छलफल हुनेछ।
