नेकपा (एकीकृत समाजवादी) ले दोस्रो चरणको आन्दोलन घोषणा गर्ने
काठमाडौँ - नेकपा (एकीकृत समाजवादी) ले सुशासन र रोजगारीका माग पुरा गराउन दबाब दिने उद्देश्यले दोस्रो चरणको आन्दोलन घोषणा गर्ने भएको छ। मंगलबार बसेको केन्द्रीय सचिवालय बैठकले आन्दोलनका कार्यक्रमहरू केन्द्रीय कार्यालयबाट तयार गरी सार्वजनिक गर्ने निर्णय गरेको पार्टीका उपाध्यक्ष प्रकाश ज्वालाले जानकारी दिए।
बैठकमा समसामयिक राजनीतिक परिस्थिति, संसदमा छलफल भइरहेको सरकारको नीति तथा कार्यक्रम, आन्दोलनका दोस्रो चरणका कार्यक्रम निर्धारण र पार्टीको सङ्गठनात्मक कार्ययोजना लगायतका विषयमा छलफल भएको छ।
पार्टीले पहिलो चरणको आन्दोलनलाई सफल ठहर गर्दै दोस्रो चरणमा जनसहभागितामा आधारित कार्यक्रमहरू सञ्चालन गर्ने योजना बनाएको छ। ज्वालाले भने, "पहिलो चरणको आन्दोलन वामअर्प थियो, अब जनसहभागितामा आन्दोलन गर्छौं र आन्दोलनको स्वरूप पनि परिवर्तन गर्छौं।" उनले थपे, "हामीले माग जे पेस गरेका छौं ती माग कार्यान्वयनका लागि सशक्त कार्यक्रम अघि ल्याउँछौं।"
