भारतीय सिनेमाका सबैभन्दा बढी पारिश्रमिक लिने अभिनेता बने अल्लु अर्जुन
काठमाडौं । अल्लु अर्जुन भारतीय सिनेमामा सबैभन्दा बढी पारिश्रमिक लिने अभिनेता बनेका छन् । अल्लु अर्जुनले उनको आगामी फिल्म पुष्पा–२ का लागि ३०० करोड पारिश्रमिक लिएर भारतमा सबैभन्दा महँगा अभिनेता बनेका हुन् ।
उनले शाहरुख खान, सलमान खान र थालापथी विजयलाई पछाडि छोडेका छन् । शाहरुखले ‘पठान’का लागि २०० करोड पारिश्रमिक लिएका थिए । विजयले थालापथी ६९ का लागि २५० करोड भारु पारिश्रमिक लिएको बताइएको छ ।
अल्लु अर्जुनको फिल्म पुष्पा २ डिसेम्बर ५ मा रिलिज हुँदैछ । पुष्पा २ को हालै ट्रेलर सार्वजनिक भएको छ । निर्माण पक्षले आइतबार भारतको बिहारको पटनामा विशेष कार्यक्रम आयोजना गरेर फिल्मको ट्रेलर सार्वजनिक गरको हो ।
डिसेम्बर ५ मा हलमा रिलिज हुने तयारीमा रहेको यो फिल्मले रिलिज हुनुअघि नै उत्कृष्ट प्रि–कलेक्शन रेकर्ड बनाएको छ । रिपोर्टका अनुसार फिल्मले रिलिजअघि नै ९ सय करोड कमाइसकेको छ ।
