अवरोध खोल्ने विषयमा भएको छलफल सकारात्मक : प्रधानमन्त्री
काठमाडौ, ३ भदौ । प्रतिनिधिसभाको अवरोध खोल्ने विषयमा आज भएको छलफल सकारात्मक भएको प्रधानमन्त्री पुष्पकमल दाहाल प्रचण्डले बताएका छन् । आज आफैले बोलाएको प्रतिनिधिसभामा प्रतिनिधित्व गर्ने दलहरुको बैठकबाट बाहिरिँदै गर्दा सञ्चारकर्मीहरुलाई छोटो प्रतिक्रिया दिँदै उनले छलफल सकारात्मक भएको र अब भोलिको बैठकमा सहमति जुट्ने विश्वास व्यक्त गरेका छन् ।
प्रमुख प्रतिपक्ष दलका नेता केपी शर्मा ओली अस्वस्थ भएकाले आजको बैठकमा ठोस सहमति नभएको र भोलिको बैठकमा समझदारी बन्ने उनको दाबी छ ।उनले भने, ‘ सदनमा भएका राष्ट्रिय पार्टीका नेताहरुको बीचमा राम्रो छलफल भएको छ । प्रमुख प्रतिपक्ष दलका नेता अस्वस्थ भएकोले आउनुभएन भोली फेरि बसेर समझदारी बनाउने भन्ने भएको छ । छलफल सकारात्मक छ ।’
