नक्कली भुटानी शरणार्थी प्रकरणमा दबाबमा नपर्न सांसदको आग्रह
काठमाडौँ, २६, वैशाख । नेकपा माओवादी केन्द्रका सांसद देवेन्द्र पौडेलले नक्कली भुटानी शरणार्थी प्रकरणमा दोषिमाथि कारबाही गर्न प्रधानमन्त्रीलाई आग्रह गरेका छन् ।
प्रतिनिधिसभाको मंगलबारको बैठकमा सांसद पौडेलले यस प्रकरणमा कुनै पनि प्रेसर र दबाबमा नपरेर घटनाको निष्पक्ष छानबिन गर्न प्रधानमन्त्रीलाई आग्रह गरेका हुन् ।
‘प्रधानमन्त्रीले कुनै पनि प्रेसर र दबाबमा नपरेर यो घटनाको निष्पक्ष छानबिन गरेर जनता र नेपाल पक्ष राष्ट्र भएर अन्तराष्ट्रिय सन्धी सम्झौताको पक्षमा नेपाल निष्पक्षता पूर्वक उभिएको कुरालाई अगाडि बढाउन अनुरोध गर्न चाहन्छु,’ उनले भने।
सांसद पौडेलले नक्कली भुटानी शरणार्थी प्रकरणमा भएको भ्रष्टाचार सम्बन्धी घटनाले अन्तराष्ट्रिय स्तरमा नेपालीहरूको लज्जाको विषय बनेकाले संलग्नलाई कडा कारबाही गरेर नेपालको इज्जत बचाउन आग्रह गरेका छन्।
