नेपाली सेनामा जागिर खुल्यो, एकै पटक ४५ सयले जागिर पाउने
काठमाडौँ, ८, वैशाख । लामो समयपछि नेपाली सेनामा जागिर खुलेको छ ।
नेपाली सेनाले आज गरेको विज्ञापन अनुसार ४५ सय जनाका लागि जागिर खुलाएको हो । जसअनुसार सैनिक परिवारका लागि २ सय २५ जनालाई आरक्षण गरिएको छ भने खुल्लातर्फ २ हजार दुई हजार ३ सय ५१ जनाको माग गरिएको छ ।
भर्ना छनौट निर्देशनालय कार्यरथी विभाग, जङ्गी अड्डाका अनुसार महिला कोटामा ३ सय ९०, आदिवासी जनजाति कोटामा ६ सय १७, मधेसी कोटामा ५ सय ४०, दलित कोटामा २ सय ८७ र पिछडिएको क्षेत्रबाट ९० सङ्ख्यामा आरक्षण छुटाएर नेपाली सेनाले जागिर खुलाएको हो ।
सूचना अनुसार आवेदकले अनलाइनमार्फत फारम भर्न सक्ने र त्यसको हार्ड कपी बोकेर सम्बन्धित छनौट स्थलमा बुझाउनु पर्ने नेपाली सेनाले जनाएको छ ।
सेनाले १८ वर्ष पूरा भई २२ वर्ष ननाघेकाले मात्र फारम भर्न मिल्ने व्यवस्था गरेको छ भने बहालवाला सैनिकको हकमा भने उमेरको हदबन्दी २६ वर्ष राखिएको छ ।
फाराम भर्ने अन्तिम मिति जेठ १४ गते तोकिएको भर्ना छनौट निर्देशनालय कार्यरथी विभाग, जङ्गी अड्डाले जनाएको छ ।
