२.० छड्के : अनमोलको पारिश्रमिक ५० लाख, फिल्मको कमाइ ३० लाख
काठमाडौँ, २४, फागुन । अनमोल स्टारर फिल्म ‘२.० छड्के’ मल्टिप्लेक्स हलबाट उत्रिएको छ।
प्रदर्शनको छैटौं दिनमा क्युएफएक्सले फिल्म हलबाट उतारेको वितरक सुनिल मानन्धरले जानकारी दिए। निगम श्रेष्ठ निर्देशित फिल्मले सुरुवाती दिनदेखि नै निकै कमजोर व्यापार गरेको थियो। सँगै प्रदर्शन भएको फिल्म ‘छक्का पञ्जा ४’ले भने छैठौँ दिनमा ६ करोड माथिको व्यापार गरिसकेको छ।
तर ‘२.० छड्के’ले भने जम्मा ३० लाखको व्यापार गरेको वितरक मानन्धरले जानकारी दिए। फिल्ममा अनमोल केसीले अनुबन्धित हुँदा पारिश्रमिक नै ५० लाख भन्दा बढी लिएको हल्ला चलेको थियो।
उनी नेपाली फिल्म उद्योगका सबैभन्दा महंगा अभिनेताका रुपमा दरिएका थिए।
