माओवादी केन्द्रको स्थायी कमिटी बैठक जारी
काठमाडौँ, १३, माघ । नेकपा माओवादी केन्द्रको स्थायी कमिटी बैठक आज पनि बसिरहेको छ । बिहीबारबाट सुरु भएको बैठक आज पनि बसेको हो ।
हिजोको बैठकमा अध्यक्ष पुष्पकमल दाहाल प्रचण्डले प्रतिवेदन प्रस्तुत गरेका थिए । उनले राष्ट्रपतिका विषयमा स्थायी कमिटी सदस्यहरुको धारणा पनि मागेका थिए ।
आजको बैठकमा स्थायी कमिटी सदस्यहरुले धारणा राख्ने बताइएको छ । त्यस्तै आजबाट संगठनलगायत विषयमा छलफल हुने बताइएको छ ।
