कर्णालीमा २७ पुसभित्र सरकार गठन गर्न आह्वान
काठमाडौँ, २१, पुस । कर्णाली प्रदेशमा सरकार गठनका लागि आव्ह्वान गरिएको छ । प्रदेश प्रमुखको कार्यालयले ७ दिनभित्र सरकार गठन गर्न आह्वान गरेको हो । प्रदेश प्रमुख तिलक परियारले बिहीबार ७ दिनको समय राखी २७ पुस बुधबार अपराह्न ५ बजेभित्र मुख्यमन्त्री नियुक्तिका लागि आह्वान गरेका हुन् ।संविधानको धारा १६८ को उपधारा २ बमोजिम सरकार गठनका लागि आह्वान भएको हो ।
कुनै पनि दलले बहुमत नपाएका कारण धारा १६८ को उपधारा २ बमोजिम प्रदेश सभामा प्रतिनिधित्व गर्ने २ वा २ भन्दा बढी दलहरूको समर्थनमा बहुमत प्राप्त गर्न सक्ने व्यक्तिको नेतृत्वमा सरकार गठन हुने संवैधानिक व्यवस्था छ । कर्णाली प्रदेशमा ४० सदस्य छन् । सरकार गठनका लागि २१ सिट आवश्यक पर्दछ । जसमा नेपाली कांग्रेसका १४ जना, माओवादी केन्द्रका १३ जना, नेकपा (एमाले)का १०, राप्रपा, नेकपा (एकीकृत समाजवादी) र स्वतन्त्र सांसद १/१ छन् ।
बहुमतका लागि २१ सांसद चाहिन्छ । एमाले र माओवादी केन्द्र मिलेर सहजै सरकार बन्ने अवस्था छ ।
