वाग्मतीमा सभामुखको निर्वाचन २८ पुसमा
काठमाडौँ, १८, पुस । वाग्मती प्रदेशसभाको सभामुख र उपसभामुखको निर्वाचनको मिति तोकिएको छ । सोमबार बसेको सर्वदलीय बैठकले सभामुख र उपसभामुख निर्वाचन मिति तय गरेको हो । सर्वदलीय सहमति अनुसार सभामुखको निर्वाचन २८ पुस र उपसभामुखको २९ पुसमा निर्वाचन गर्न दलहरू सहमत भएका हुन् ।
निर्वाचनको लागि २७ पुसमा सभामुख र उपसभामुखको मनोनयन दर्ता गरिने छ । सभामुख र उपसभामुखको निर्वाचनपछि प्रदेश प्रमुखले सदनमा सम्बोधन गर्ने कार्यक्रम राख्ने गरी सर्वदलीय बैठकमा सहमति भएको हो ।
