साउदी आईडीका लागि निवेदन दिने म्यानपावर कम्पनीको संख्या ३ सय ५० नाघ्यो
काठमाडौँ, २७, कार्तिक । नेपालबाट साउदी अरवमा कामदार पठाउनका लागि आवश्यक पर्ने साउदी परिचयपत्र ९साउदी आईडी० नवीकरणका लागि निवेदन दिने म्यानपावर कम्पनीको संख्या ३ सय ५० नाघेको छ ।
नेपाल वैदेशिक रोजगार व्यवसायी संघले नेपालस्थित साउदी दूतावासले जारी गरेका कार्डहरु थप अपग्रेड गरी नवीकरण गर्ने सम्बन्धमा दूतावासले जारी गरेको परिपत्रअनुसार व्यवसायीहरुलाई तोकिएका कागजातसहित संघमा उपस्थित हुन आग्रह गरेको थियो ।
दूतावासबाट प्रमाणीकारणका लागि तोकिएका कागजातसहित शुक्रबारसम्म ३ सय ५० भन्दा केही बढी व्यवसायीको निवेदन आएको संघलपे जनाएको छ । संकलन भएका निवेदन र कागजात आज वैदेशिक रोजगार विभाग र भोली कन्सुलर सेवा विभागबाट प्रमाणीकरण गराई साउदी आईडी नवीकरणका लागि साउदी दूतावासमा पेश गर्ने योजना संघले बनाएको छ ।
हाल वैदेशिक रोजगार विभागमा ८ सय ८० वैदेशिक रोजगार व्यवसायी दर्ता रहेकोमा हालसम्म साउदी दूतावासबाट ६ सय २५ वटा म्यानपावर कम्पनीले परिचयपत्र लिएका छन् । साउदी आईडी भएका धेरै म्यानपावर कम्पनी विगतमा एकआपसमा मर्ज भएका, केही कम्पनी खारेजीमा गएका, केही कम्पनीलाई दूतावासले नै कालो सूचीमा राखेको र केही कम्पनीको नवीकरण निवेदन आउन बाँकी रहेको बताइएको छ ।
