मलेसियाको एफजीभी कम्पनीले १६ हजार कामदार लैजाने
काठमाडौँ, २४, कार्तिक । मलेसियाको एफजीभी होल्डिङ कम्पनीले नेपालसहित भारत र इण्डोनेशियाबाट १६ हजार विदेशी कामदार लैजाने भएको छ । गत अक्टोबरदेखि शुरुवात गरी २०२३ को अन्तिमसम्ममा उक्त संख्यामा विदेशी कामदार लैजाने योजना बनाएको उक्त कम्पनीले बताएको छ ।
भर्ना गरिने सबै कामदार अन्तर्राष्ट्रिय श्रम संगठन आइएलओको गाइडलाइन्सअन्तर्गत छनोट कामदारको कुनै लागत बिना लैजाने बताएको छ । छनोट भएका कामदार आफ्नो मुलुक लैजान एफजीभी होल्डिङ कम्पनीले नै विमान चार्टर्ड गर्ने बताएको छ ।
उक्त कम्पनीले स्रोत मुलुकबाट कामदार लगेपछि कम्तीमा ३ महिना न्यूनतम तलव दिएर तालिम दिएपछि मात्रै काममा लगाउने बताएको छ । कोभिड १९ का कारण विदेशी कामदार लिने कम्पनीको योजना कार्यान्वयन नभएबाट विदेशी कामदारको अभाव चर्किएको भन्दै उक्त कम्पनीले विदेशी कामदार भर्नाको कामलाई तिव्रता दिने बताएको छ । १६ हजार विदेशी कामदार लैजाने योजना अन्तर्गत अक्टोबरमा भारत र इण्डोनेशियाबाट करिब ५ हजार कामदार लगेको बताएको छ ।
