अभिनेत्री नीता ढुंगानाकाे मेहन्दी समारोह
काठमाडौँ, २३, असार । केही दिन अगाडि नजिकका साथीहरूलाई ब्याच्लर पार्टी दिएकी अभिनेत्री नीता ढुंगानाको मेहन्दी समारोह आयोजना भएको छ । उनले बुधबार मेहन्दी समारोहको आयोजना गरिएको सामाजिक संजालमार्फत तस्बिर सार्वजनिक गर्दै गराएकी छन् ।
उनको मेहन्दी समारोहमा अभिनेत्री रेखा थापा, अनु शाहलगायत कलाकार र केही रंगकर्मी पत्रकारको सहभागिता रहेको थियो । नीताले ज्योतिष तथा अभिनेता हरिहर अधिकारीसँग २४ गते विवाह गर्न लागेकी हुन् । लामो समयदेखि प्रेममा रहेका नीता र हरिहर विवाहमा परिणत गर्न लागेका हुन् । विवाहमा दुवैतर्फका नजिकका व्यक्तिलाई मात्र निम्तो गरिइएको छ ।
