कुवेतको एक कम्पनीमा २०० बढि नेपाली कामदारको माग, मासिक तलब कति ?
काठमाडौँ, २२, जेठ । कुवेतले भारी सङ्ख्यामा नेपाली कामदारको माग गरेको छ । कुवेत सहरमा रहेको एक कम्पनीले विभिन्न पदका लागि २३१ जना नेपाली पुरुष कामदारको माग गरेको हो ।
न्यूनतम योग्यता सम्बन्धित काममा दक्ष हुनु पर्ने छ । कामदारले हप्तामा ६ दिन र दैनिक ८ घण्टा काम गर्नु पर्ने छ । करार अवधि २ वर्षे रहेको छ । कम्पनीको नियमअनुसार कामदारले वार्षिक बिदा पनि पाउने छन् ।
कामदारले खान बस्नेतसहित तलब ३४ हजार माथिदेखि ५६ हजार बढि पाउनेछ । इच्छुक कामदारले फ्युचर स्टार म्यानपावर प्रालिको कार्यालय सामाखुसी काठमाडौंमा जेठ २७, २८ र २९ गते अन्तरवार्ता दिनु पर्ने छ ।
स्वदेशमा हुने मेडिकलको खर्च र स्वदेशमा हुने जीवन बिमा कामदार आफैले बेहोर्नु पर्ने छ । भिसा स्ट्याम्पीङ शुल्क, हवाई टिकट, भिसा शुल्क, विदेशमा हुने बिमा शुल्क र विदेशमा गरिने मेडिकल खर्च रोजगार दाताले बेहोर्ने छ ।
